Bijlage 1
Melis Stoke over het vinden en begraven van het gebeente van
rooms-koning Willem II en over de dood en het begraven van
Floris de Voogd
ROOMS-KONING WILLEM II
43
Over Willem II:
Melis Stoke, Rijmkroniek, r. 4924-4935 (eerste versie 1301/02)
Oec wart daer ghevangen mede een out Vriese, ende wart ghegheven op die zake
daer sijn leven, dat hi wijsde des coninx graf; die Grave ne wouder niet sceden af,
eer hi den vader dede ontgraven: dat hi prijsde vor vele haven. Tghebeente dede
hi nemen saen, scone wasschen ende dwaen. Ende deet voeren haestelike in enen
scrine zuverlike te scepe als hi eerst mochte.
Melis Stoke, Rijmkroniek, r. 4953-5001 (tweede versie 1311/14)
De coninc hadde XXVII jare begraven gheweest te Hoechoutwoude, dat ne wiste
jonc noch oude dan si viere, ende niet mere, waer begraven was de here. Daer of
was bleven dene doot, dander dre door lives noot waren ghelopen in de kerke;
anders ne waren pape noch clerke. Die tue sloeghen de boeven doot; de derde bat
ghenaden groot ende riep: 'Edel gravekijn, laet mi behouden tleven mijn! Ic salt
doen (du moghest prisen) den coninc dinen vader wisen.' Van deen woerde wart hi
verblijt, ende gaf hem op sijn lijf tier tijt. Doe sprac de Vrese te hem waert: 'In dit
huys achter den haert, so suldi den coninc vinden; dat wil ic mi in verbinden ende
mijn lijf setten te pande!' Doe namen si spaden inde hande ende dolven II mans
langhe diep. Die onder stont, opwaert hi riep: 'Hier ligghen grote balken onder!'
Die Vriese sprac: 'Dan es gheen wonder! Heftse op, al wort u te pine; daer leit de
coninc in een scrine.' Teerste dat si ter scrine quamen ende tghebeente daer verna
men, spraken si: 'Grave, edel here, nu seit blide vorwaert mere: wi hebben uwen
vader vonden!' Die Grave sprac in corten stonden: 'Des moete God ghelovet zijn!'
Thoeft nam hi in de handen sijn, ende dancte Gode ende Onser Vrouwen: 'Dat
ic so vele dus mach scouwen van den vader, de mi ghewan!' Tghebeente van den
hoghen man dede men nemen harde zaen, scone wasschen ende dwaen, ende deet
voeren haestelike in enen scrine suverlike te Middelborch in de abdie. Noit en was
grave, ghelovets mie, de in Vreeslant ie ghedede so uut nemende behaghelhede.
Over Floris de Voogd:
Melis Stoke, Rijmkroniek, r. 4467-4494.
Dese Florens, die goedertieren, voer alle saysoene tornieren. In enen tornoy so vel
hem soe, dat hi ende die zine worden onvroe: ende hi die porse hadde also groet,
