44
ROOMS-KONING WILLEM II
dat hi gequetst was toter doet. TAndworpen most hi bliven doe; so grote ziecheit
quam hem toe, dat hi op die sevende calende van aprille dede sijn ende, al tot
Andworpen in die poert; alsmen dicke heeft ghehoert, dat hi gheleeft hadde met
eren. Hi versciet int jaer ons Heren XIIC L ende achte. Dese Florens, van hoghen
gheslachte, leghet in Middelburch begraven, dien sijn suster mit groter haven ende
met eren ter aerden dede; van Henegouwen was si gravinne mede, sijns vader kint
ende sire moeder. Doe si haren lieven broeder hadde begraven, nam si in hant haren
neve ende al sijn lant (want si die naeste was geboren), ende berechte als wijt horen,
tgraefscap ende dat jonghe kint, daer wonder of ghesciede sint.
