DIALECTDAG 1982
Vlêwêke zag ik Truitje,ze zei tegen mien,me gae toch
wee nae de Dialectendag allicht zei ik toen,dat
magge men nie misse,das altied,een bitje een feestje.
De mensen dienke wel es,dat zo'n verhaederienhe mae
droge kost is ma da val best mee 'oor.
Om negen ure zouen men weggae ma eest most de muste
nog op estróókt oore zohezehd eest komt dan 'et onder
musje,daè zit een lintje in dan mot mien vent daer
eest zun duum op 't knoopje legge,dan kan 't lekker
strek anetrokke ore,en dae kom dan de lange muste
over mie vee spellen hae die vast,eihelijk oor dae
nog een oedje op.Mae omdat et toch binne is,ek dat
me tuus elate.'t Is toch a werm henoeg.
Maer alia zo op e tuugd vertrokken men over de
zêêlandbrugge,t zonnetje scheen ok weer es gelokkig
men a nattigheid henoeg aot.As vanouds wiere men
wéé mêê koffie en een bolus ontvanhe.De zaele zat
aast a vol.Jammer nie vêê musten,je bekieke mekaere
zo graag é.Dit jaer opende den eer Kluuver omdat on
ze voorzitter nae Middelburg most,da gieng vóór, in
een mens ei maer èèn lief ê,dan kan je maer op eene
plekke hlieke weze. ft Is ofesproke dat bestuur ok
dialect zou praete,arres kreege ze de gele kaarte
behalve dan mevr.Van den Broecke è.Toe ze 't woord
kreeg erdacht ze eerst Cor Schieve,die pas esturve
was,een man die in zen leven èèl wat edae eit vóór
toneel en muziek.
A men 't zo oorde,is 't er wéér êêl ard ewerkt,in
't leste jaer.Die regioboeken komme der ok wèè wel-
or.Den eer De Vin beloofde 't vóö Schouwen.
Mevr.Van den Broecke en mevr.Bakker krege een pluume
op der oed mit applaus.Noe kwam de penningmeester
an de beurte ie zei,ik gae ma hin donderpreek oue,
want daer a 't voe bedoelt is binne ier toch nie,ie
addet over de slechte betaelders,ie oopte dat ter
toch nog wat binne zou komme omdat 't nódig is,in
men we een bitje op zwart zaed zitte.
45
