D'n êêr Van den Peyl ei voe 'n drankje voe iedereen ezurgd.D'r wor een
dronk uutebrocht op 't nieuwe boek "Dialect op Zuid-Beveland" en ie
spreekt d'oope uut dat 't z'n weg ni de boekekasse mag vinden.
D'n êêr G.J.Lepoeter van Kapelle sloot dirrop an.Voe a t.n z'n
'Zuudbelanse voordracht'n behon merkte 'n ie op:"Dit boek is vee mooier
as die aore viereZuudbevelans is ommers 't echte Zêêuws".
Dat 'n zelf 'n echte Zuudbevelander is bleek wè uut z'n stiksies.
"D'ofstee van Kees", 'n kosteluk verhaoltjebewees dat'n z'n dialect nóh
êêl hoed spreekt.Gelokkug mè dat 'n hin vèsje "ezongen eit,wan da
klienkt 'as 'n rover in 'n oute klompe",zei t.n zelf.
Dat was 't ênde van de bieêênkomste van 's ochends.
De Zêêuwen ao'n d'r oenger van ekreehen,wan in tied van 'n ommezien was
de hroote zaol leeg en zatten d'eetzaolen vol.
Ondertussen vloohen in de hal bie de boekenstal de nieuwe regio-boeken
over de toonbanke.
De bróódmaoltied was wee biezonder höëd verzurgd. t Was hezèllug even te kles-
sen mie je taefelhenêoten.Lienks 'n buurman die a uut D'n 'Aog kwam en
in Wolfersdiek hebooren was,rechts van me zat iemand uut Flakkee.ze
wérkt'n as verpleegster in Rotterdam(in Diekzicht ziekenuus).
's Achemirrugs wier t'r behonnen mie 'n voordracht van d'n êêr
C.Poortvliet uut Herkingen(Flakkee)"De paeremarkt t Gieng over
Wullem en Neele.Wullem kreeh 'n riesdilder mee van Neele toen ie nae de
paermarkt hieng.'t Was voe 'n lotje en 'n paer klompen voe Neele.
Wullem docht datter ok noh wè 'n borreltje of kon en ie dronk t'r nöh
wè twêêe.'t Is helokkug aolles noh hoed öfelópen.
Dinae was Engel Reinhoudt an de burte.Engel doet 't biezonder hoed op
z'n Zuudbevelans,mè je kan toh wè höëd oören dat 'n uut 'de zak' komt.
Mie dat vêsje over "De paerden" behon tie z'n êêste optreen.
Mooi was dat: ze weten nie mi wat 'r mie "aorop"en "eusop" wor bedoeld.
Vadder hieng t'n toen mie: '25 jêr dam'. Tenslotte dat ouwe slaepliedje,
mie dat ouwe refreintje as meeziengertje
'Di slit alf achte
pap al in m'n hedachten
slupmusse in m'n hemoed
'k zie d'n Kapelsen toren
deur 't olletje van m'n öëd.'
Wie ken t'r dat vêsje noh? vroeh 'n an 't publiek.Voe mien was 't nieuw,
mè d'r wazzen d'r die 't kenden,mè mie 'n aore toren.
Iernae kwam d'n êêr A.Leijdekkers uut Zierikzêê.Die las voor uut z'n
eihen werk. Ie schrieft elke 11! daehen 'n stiksje in 'n Schouwse krante
in dialect.Z'n schuulnaem is Arjaon.Ie las Vredesmanifestasie '83,
Naejershedachten, Biechte en zong ok noh 'n vêsje over z'n mooie eiland:
Een brug te ver
Mevr.E.Schippers-Le Bleu wier a mie applaus behroet.Ze droeh voe de
twidde kêêr 'Sakje',heschreeven deur prof.Van Houte,voor.
Mêêsterluk 'edaen.mevr.Schippers-Le Bleu,ok noe wee was je onverbeter-
luk,wat is dat Vlaoms toh 'n móóie taol.
En Engel Reinhoudt kwam voe de twidde kêêr op de planken.
In de 'Misdaed blues' zat 'n wieze raed voe dezen tied:
lei de moker mè onder bédde
en zet j'n 'elm op a'j slipt.'
Z'n optreen wier beslooten mie de meezienger:" Di slit'alf achte",
'n anepast sluutstik voe dezen dag.
De hebruukelukke 'bloemenhulde': d'r wieren êêl wat móóie boeketten
uutereikt: an mevr.V.d.-Broeeke-de Man,mevr.Oele-Leijs,alle voordraehers
)in