WEMME IN DE KOEJEPIT
srs van Piejt van Sors (A. Tanis)
Weete niejt mêêr persies hoedat't oojt begonne is, mar as kinders van 'n jaer of acht-neegene
oe m'n inêêns góó lêêre zwemme. Ik dienke dat dat kwam omda'm'n de jonges van d'n diek
reegeld beezeg zagge in de twêêde pit, dêêr onger an d'n diek tussen de kaoje in de Stêênwegt
of -in dat waere de gröötere jonges, die van Jan Witte in zóö- an 't Nolle'ie, dêêr bie d'n ingang
n de haevende. Dêêr was't onnorrem diejpe, dus ko'je d'r goewd duuke.
:\s schooljonge'ies waere m'n echte zwearevers, ikke mi' Maert van uus in nog zoo'n kroo'ie
nges van durrep. We zochte om zoo te zeagene altied de brêê vêêrtiejn op.
10 kwamme m'n nogal es op de Jonkerstee terechte. We dee dêêr oorlogg'ie speele mit houte
weeren in saobels of inkeld mar eikels zoeke of veugelnissies, of braemen. Soms kroope m'n dan
êêr oover de schurvelienk de Middelduune in. Dat dee m'n dêêr duchte bie de koejepit, in diejn
ek tende 't koejeweeg'ie. In as je dan van de koejepit vandaen nae 't noorden liejp, de kant van
kliengen in de strange op, nog verbie de kieviejtsplaojte, wêêr m'n 's winters, as 't evrooze hao,
enge schaessenrieje, dan kwam je nog bie 'n twêêde koejepit. Dêêr lei niejt zööv'l kroos op as bie
ejn éérsten, bie 't duunhek. In deezen ko'je zwemme. Dêêr gienge m'n dus op 'n goejendag uut
klêêren in liejte m'n uus eige voor de êêrste kêêr puutmenaekend - d'r was toch gêên sturvelienk
de buurte - te waeter.
Vie d'r allemaele bie waere, zouw-ek niejt zoo gaow mêêr durreve zea... Maert van uus in ielek
eval... in Wim Bakker, dienk-ek, in Jasper Knaepe, Toon van Dirrek d'n Uul in Dirrek van
eijn'ie Stek, alle twêê uut de aereme huussies in weet ik wie nog mêêr, allemaele jonges van
.irrep, wêêr m'n gereegeld mit ommegienge.
n 't begin dee m'n verzich'ies an... kieke hoe diejpe of 't was netuurlek... je kon ommers noojt
eete. A'je niejt uutkeek, ko'je mar zoo koppie onger goo. In dat zou niejt zoo best weeze. Dan
erzoop-ie as 'n katte. In dêêr waere m'n netuurlek niejt op uut, dat ka'je begriepe.
areg helder was 't waeter d'r niejt. 't Zag nogal bruun. Dat zal achteraf bekeeke wel van de
oejestront eweest hea, mo'je mar reekene. Want koejen liejpe d'r zat in d'n duune in diejn tied toet
'ie waeterleideng d'r nog niejt was. D'r was zellefs 'n koejewachter bie. Die bracht de koejen
aevens nae huus om emolleke te woorene. Die koejen kwamme dêêr in die pit drienke in die liejte
65
