Aquarel door
Pau Heerschap.
NET UUR. Pau Heerschap
Wat was vroeger toch netuurlek.
Alles was t'r zooas t'r altied al was.
De slööten waere vanzelfspekend helder,
Zööda' je kon zie je wat 'r zwom of kroop.
Sallemanders in punten in 't voorjaer in
Aok wel bloewzuugers in alderlei torren
Krioelende d'r van in de slööt bie Duunkèrke
In je zat mit je schepnette parat.
In de zeumer vloge de bonte keezen.
Je kon ze zóó griepe van 'n blad.
In 'n schoedööze doewe mit 'n
Plok bontekeeze-eten d'r bie. (echt walstro)
Dat spul rook net as die béésten
In je docht da ze 't wel zouwe luste,
Mar ze giene d'r dóód van. Wat blaen
Van 'n popeliere zou beter eweest hè.
Om de döóze de je dan 'n weckrienk
Want postelestieken hao toe nog nietj-,
In in 't deksel wat gaeten voor lucht
't Zaekie was noe voor d'n handel geschikt
Zóó gieng dat dan mee nae schoole.
Ongerje schoolbank mocht 'n dan stöö.
Soms begonne d'r wat kevers kees-kees
Te roopene, wantze docht e deur d'n donker van
't Deksel dat 't nacht was in dat ze moste vliege
In 't speelkwartier begon dan d'n handel.
Een cent voor 'n kever was toe 't terief
In d'r ontstong 'n negosie van jewelste
Noe liekent wel of die beesten verdwene binne
'k Hè d'r hier al jaeren géén méér ezieje.
Je vraeg je ei ge of hoe dat toch zou komme
In je dienkt dan mit weemoewd vromme.
Toe 'k op Samos in Griekenland was,
In Ireon bie de ruwines van de Heratempel
Zag ik nae méér dan dertig jaer twéé
Bontekeezen op 'n tak van 'n pijnboom zitte.
Zóó vaorde van huus most ik toe dienke
An 't schoolplein in Ouddurp, wéér m 'n onger
De kastanjebaomen met uuze schoewedöözen
Zatte. Van onger 't deksel klonk kees-kees.
46