IN 'T ZÊÊUWS KAN 'T OK
Openingswoord bij de Dialectdag op 16 oktober 2004
S. Kramer, Burgemeester van Kapelle
Dit thema stit centraal bie het vuuvenzeventig jaerig bestêên van de zêêuwse vereenihingu voe
dialectonderzoek. De dialectmêênd behunt tradisiehetrouw wee op Kapelle mie un dialectundag. U
komt vanuut de streeke, de provincie of di buut'n, soms van einde en varre, om ier dezen dag mee
te maek'n. Een dag over de taal van de streeke, plekke, durp of sociale hroep. Ik êêtte u in de
Bloesem van Zêêland van arte welkom. Dialect is taal en da's wat a ons bindt.
In twiduuzendtweê sprak oênze minister President, de uut Biezelienge afkomstuhhu Jan Peter
Balkenende u in onvervalst zêêuws dialect toe. 't Was een tuuswedstrijd voe zun en zö voeld'n ie
dat ok. Ie was wee even trug op 't wèrme nist. Lubbers of Kok ad een dêrhulluk verhaal nie kunn'n
auw'n. JPB is histr'n tuus ekom'n. Me wens'n oênze premier toe dattun wee mè hauw êêlemille
beter is.
Vorig jaêr wieren we toe esprok'n deur oênzen
Commissaris, menêêr van Gelder, die a
tredisiehetrouw anwezug was, mê noe toevallug
nie, noe komt 'n 20 november in Middelburg. Ie
opperd'n toen in z'n rede da an de toekomstug
ukozen burgemêêster misschien wê dun eis most
word'n ustelt da ie of eur de zêêuwse taal mééster
is. Die stelling was prikkel'nd en 't lag meuhuluk
voe d'and a'k ureaheerd a
't Was ok opmerkulluk juust omda in
twiduuzendtweê mevrouw Van Bezooyen in dur
rede 'Dialectgebruik in Zeeland vanuit een
vergelijkend perspectief juust betoogd dat er
nie één zêêuwse taal bestit. Dur is sprake van een
verzaemelienge van dialect'n. Tis nie alleênne
verschillend boven en onder de Westerschelde,
mê ok nog per eiland, stad, durp of zelfs lokaal.
Bie voorbeeld an d'eênn of dun amm kant van
dun diek. Dat speelt waarschijnlijk ok un rollu bie
't feit wirrum at nog steeds nie elukt is om de
zêêuwse taal as zödanug erkend te krieh'n. 'T za
waarschijnluk net zoa 'n vroome wense bluuv'n
as zêêuwse paerd'n voe de houwe koets op
Prinsjesdag. Dat mikt ut voe een kandidaat
burgemêêster toch wê errug lastug. In oênze
hemeênte zou ie of eur noh wê kunn'n volstêên
mie 't beheersen van 't Weumuliengse, Kapelse, Biezeliengse, Eversdiekse en Schoorse dialect. Dat
lukt musschien nog wê. Mè wat zou je dienk'n van die entoesjiaste liefhebbers voe de post'n in
Hoes, Domburg, Kruunuhun, Zierikzee, Oöstburg, Ulst, Terneuz'n en Sint Maertensdiek. In die
hemeent'uuz'n ei men bestuurluk te doen mie zö vee kern'n of durp'n. Elk mie een eihun dialect en
cultuur. Over een toekomstige commissaris eit menêêr Van Heldur z'n eihun in dat verband
36