Aflevering 162 winter 2008
diek versterrukte. Mee een speciaal stekertje douwden die stroo in un
soort vierkantjes stevig in de grond. Dan bleev da vast zitt'n en wier
het loskomm'n van de grond teeg'n gegaon a bie oogwaoter ut waoter
mee kracht dur over gieng. Eelemaa geen geleerde man, ie weunden op
een durp in Zeeuwsch-Vlaonderen. Mann'n die ata deeën gieng'n in dien
tied voo un eele weke weg, wan vervoer was tur nog nie zoo vee, alleen
voer dur un bwoot over de Schelde. Ie was op un gegeev'n moment an
d'overkant om te werrukken en zag da een meisje, in Veerse klederdracht,
mao mee un eel lief smoeltje, wa da turn wè anstieng. Na da even angezien
tebben kwaom'n z'in gesprek en van teen kwam tander. Je begruup ut a,
z'aden 't zitt'n op een gegeev'n moment. Awel en da was juust die man zun
zeune die an ik bedoel'n.
Je begruup wè da tur in dien tied nog heen radiozaok'n waoren ier. Maa in
Olland en ook in Gent in België waoren die wè a. Maa in d 'eeste werreld
oorlog kon je nie in België komm'n.de Belgen waoren toen ant vechten mee
de Duitsers. En laoter toen a je dur wè kon komm'n most je invoerrechten
betaolen a je iets nao Nederland wou uutvoer'n. Daa wieren natuurluk
onderdelen gesmokkeld, maa a je gepakt wier kosten da nog vee meer wan
je kreeg un boete en de onderdeel'n was je kwiet.
De voornaomste diengen om een draodloos ontvangtoestel (zo deftig wier
da int begin gezeid) zelf te maoken, most je koop'n, zo as un kopteluffon
en laoter ook lamp'n. Maa vee diengen die kon je zelf maok'n. D'eeste
radio's waoren nog zonder lampen. Die maokten je mee un kristaldetector.
Je smolt zwavel saam'n mee zink en da was je kristal. Oei wa un moeilükke
woord'n. Dan mos je ook nog un oop draad draaien op een klosje. Da spul
maokte je vast op un plankje. Je dee een draad in de grond en een eele
lange draad die ieng je zo ooge moog'lijk op. Mee zo'n kopteluffon dur
an kon je dan mee vee moeite tijdsein'n oren van zenders. Njee nog geen
muziek da gieng nog nie, da duurde nog un paor jaor. Mao je was apetrots
a je die sein'n kon opvang'n. Un paor jaor vedder waoren de radiolampen
uitgevonn'n. Dan kon je un harder geluud maoken. Da was in 't begin van
dü twintugger jaoren van de vorigen eeuw. Dan wier het wè gewikkelder om
zo' n dieng te bouw'n. Je moest kunn'n soldeer'n mee un soldeerbout. Die
stak je in de kaghel en daa most die werm wooren, zo werm dat een staofje
tin gieng smelt'n. Of tie werm genoeg was probeerden je uut deu dien bout
kort bie je kake te ouwen.
Maa a je't eema voo mekaore aa om zo'n dieng te maoken, kwam eel de
buurte luust'n wan inmiddels was 't ook moog'lijk om te praoten en muziek
te maoken deu de lugt.
Sommige mensen vonn'n 't ma niks. Ut was een duvels kastje en daa kon
niet vee goeds uut komm'n. Je most is weet'n oevee biegeloof dur nog was.
At tur iemand dood was wier dur dikkels un zwarten doek over da dieng
geleit. Je kon nooit weet'n wat tur mee gebeurde in zoon geval, daorom
wast mao beter da tie afgedekt was. Ut zelfde deeën ze mee de spiegel wan
daa kon ook iets mee gebeur'n. Tog en ze de radio nie tegen kunn'n ouwen.
Steeds meer mens'n zaogen da 't wè leutig was en ze zaogen ook da tur
niks mee gebeurde. Daorom gieng'n meer mens'n een radio bouw'n en daa
kwaom'n dur ook die op un fabriek gemaokt waoren. Ik schreef a da tur
mee meer lampen kwaom'n, da gaf wee un beter geluud en ook arder. Daa
kwaomen ook meer programma's zoas bijv. Snip en snap, een eel bekende
uutzending ook wè genoemd -De bonten dinsdagavondtrein-. En dan de