Aflevering 162 winter 2008
mee z'n oad.
Toen aol mien geld verdwene was trok mien moeder d'r boaze gezicht pas
bie. Toen pas wier mien schaande volledig. Zöda iedereen 't zie kon, kreeg
ik zö vö de klasse nog 'n kus van d'r.
Uit: Joop van Zijp vertelt, deel 2, nog te verschijnen. Dialect van Kerkwerve.
Kossemisse op z'n Zeeuws
"Nee, noe emmen 't vo mekaore," zei Jozef toen atten de keuken instapten.
Meria, z'n vriendin was net mee t'eten bezig. Jozef was zo te zien noga
fuutig.
"Wat doet er op?" zei Meria, sint a ze mee 'n vurke in de aerpels prikten,
die a lekker stonge te koken.
"Nou, noe komt er net 'n vint an de deure van de tummermanswienkel, en
die komt dan ma es zegge dat iedereen z'n eige mo melde in de plekke daer
atten oorspronkeluk vandaen komt. Ie ao glad n'officieel poppier bie z'n
mee stempels en zo. Wat ons angaet motte me dan eelemae nae Bethlehem.
Dus tel uit je winst!"
"Hoeiendag daerom" zie Meria," mot ik mee zo'n buuk op reize Ze was
naemeluk in verwachting en 't kind kon wel es binnenkort gebore worre. En
oe gae me dat dan doen
"Ja"zei Jozef "da za dan mee d'ezelskarre motte. Da gae vlugger as loape en
t'is vo joe en dien kleinen beter".
"En wanneer wou je dan vertrekke
"Nou eigeluk zou gauw meugeluk, dus merrege of overmerrege, des te
gauwer bin me weer terug"
"Dan mag ik toch we es gaen pakke en es kieke wat a m'n oallemae motte
meeneme. Mar, me gaen eest es ete en dan zie me we varder".
D'r wier nie vee gezeid onder t'eten. Aollebeie waere ze mee d'r gedachten
bie de diengen die a stonge te gebeuren.
Nae den eten gieng Jozef in de schure es nae 't karretje kieke en zei t'en
tegen Flupje, d'n ezel toen,atten 'm voer oa gegeve, "Ja Flup, eet er mar es
lekker van want me motte varre op reize Meria ging twint t'een en t'aore
inpakke van verschoningen en zo en eten en drienken. Ok pakten ze wat
rompertjes en luren en zo in, want je kon nie wete.
't Wier nog een eele vracht op dat ezelskarretje.
D'n aoren ochtend toge ze a vroeg op pad. 't Was a stik druk Mee
van aolles waere de mensen onderwegt: paerd en karre, 'ondekarren,
driewielskarren, ja zelfs mee 'n rolslee en kruuwaegens wier de reize
anvaerd. 'n Endje buuten Nazareth kwaeme ze a in de file, dus 't schoot nie
op. Af en toe rusten ze wat. Aete en dronke wat en ok d'n ezel kreeg vreten,
's Aevends zetten Jozef t' éele spul an de kant en probeerden ze wat te
slaepen onder 'n zeiltje. Den aoren dag gienge ze varder en tegen d'n
aevend van den derden dag kwaeme ze in Bethlehem, 'n Drukte dae in de
stad, je wier d'r benauwd van.
"k' Za es kieke of a m'n slaepplekke kunne kriege "zeiden Jozef, toen a ze 'n
wat stiller plekje op 'n pleintje oade gevonde. "Machtig, wat ebbe ik piene
m'n rik"zei Meria, "en wat bin ik bliee ammen d'r bin
