Aflevering 182 winter 2013
51
literair wérk: de Camera Obscura van Hildebrand. Om de beurte 'n stik
hardop voorleze. Alles bie mekaore eigelijk hêêl saoi. Mar toch bleek ik
toen al wel gevoewl voor literaire kwaliteiten te hè'n. Ik kreeg de deur Beets
bedoelde humor deur. Op 'n dag was ik an de beurte. We waere 't verhael
over de Familie Kegge an 't lezene. Toe kwam ik bie een passage die ik hêêl
grappig vong. De ouwe moewder (65 jaerü!) van Suzette Noiret was net
esturve in lag achter de gerdien'ies van de bestee. Eên in al droefenis! Toe
kwam de stokdaove buurvrouwe mit 'n schaeltie eten voor d'n 'ziejken'.
De conversaotie die toe ontstieng: zo vréselijk komisch! Dat was noe 'n
voorbeeld van echte humor: 'n combinaosie van 't tragische in 't komische.
Ik kon op 'n gegeve niejt mëêr vaorder leze, want ik kreeg de slappe lach. De
leraer begon woest tegen m'n te briesene in op te spelene. Dêêr begreep ik
niks van. Hao 'k eindelijk de humor van Hildebrand deur en noe dat!
Aok de juffrouw van Aardrijkskunde gaf meestal les op 'n soort ruzietóöne.
Ze hao 'n wat raozige teint. In as ze kwaed was wier ze knalrood. Dat was
soms al bie 't begin van de les as t'r êèn van de meisjes op zaonikende
tööne vroog: 'Juffrouw, krijge we film?' Nêê, aardrijkskunde heit m'n nóóit
zó kunnen boeie. Aok toe 'k laeter mééster was, vong ik dat altied 'n hêêl
vervelend vak om te gevene.
Geschiedenis bie De Boer vong ik prachtig. As ie in de les goewd
luusterende, hoevende je thuus haest niks mêêr te lêrene. Dan kon je
makkelijk 'n negene of 'n tiejne haele voor je proefwêrk. Dat vak vong ik
laeter aok leuk om te gevene. Vertelle wier m'n lust in m'n leven.
Behalve volleybal, waere balsporten niks voor mien. We krege op de HBS
aok hockey, mar soms vloge deur 't hakken mit zóö'n stick de stikken gors
nog haoger dan 't balle'ie. Ik mocht dan meerieje achterop de fiets bie Dinko
van der Stoep over 't pad langs de trembaene naer de velden van Corcordia.
Rijks HBS
Middelharnis.
Klassefoto van
klasse 3b, 1961
Bovenste rijje,
twêêdenvan reks:
Pau Heerschap.