Aflevering 182 winter 2013
wiezen. Toe ze vertrok stak ze vö aolle zeker-eid nog 's zes viengers naè
bove in wees op de klokke.
Om zes ure dien aèvend wier op de deure eklopt. "Daar is Mini Mosso," riep
ik blie. Daè stieng ons vriendinnetje an d.n and van 'n exotische schoan-eid,
kennelijk d'r moeder. Ik dee de deure waègenwied ope, om ok de moeder in
ons uur uut te noadigen. Ma da was niet de bedoeling. Ze schoof d'r kind
naè binnen, waèbie ze eên vienger op stak in op de klokke weees. Om te
laète wete da'k d'r begrepe ao, stak ik zeven viengers op.
Toe begon ons kerstfeeêst. Wilder zonge mit de CD-speler de kerstliedjes
mee
in keke naè de oagen van 't kind die vochtig de kerstverlichting
weerkaètsten.
Ze zat op d'r geliefde plaèse bie mien vraauwe op schoat in leunde
droamerig tege d'r borst. M'n ao sukkelaodemèlk emaèktsnoep in 'n
poppe van stof vö d'r ekocht, zö as kinders graèg om mee naè bédde te
neme.Ze nam de geschènke mee 'n dankbaère blik an in liet ze d'n eêlen
aèvend niet ml los. Toe d'r moeder d'r op-aèlde gaf ze oöns aolle tweê vö
de eêste keer 'n kus.
Daènaè was ze wèg.
'n Paèr daègen daènaè moste wilder om èllef ure in de vö-middag de
bungalow verlaète. Toe Mini Mosso op die dag an oöns ontbijt verscheen,
zag ze onze bagage staè. Mee afgriezen wees ze op de koffers.
"No, no, no, schreeuwde ze. Mien vraauwe nam d'r op schoat, in wiegde d'r
as 'n baby een in weer, ma Mini Mose was ontroastbaèr Uuteindelijk glee
ze van de schoat aof in liep snikkend de deure uut.
Om èllef ure, m'n stienge net op 't punt van vertrèk, zaège m'n d'r op ons
aofkomme an d'n and van 'n andere donkere daome.
Ik bin de tolk verklaèrde de daome d'r aanwezig-eid. Ik wil u uutlègge wat
Shari bedoeld eit, mee d'r bezoekjes an u. Toen u op 't park an-ekomme
bint, kreeg ze medelijden mee u, omdat u zoönder kinderen de feêstdaègen
mos deübrienge. Daèrom is ze u élke dag komme bezoeke. Ma in die weke is
van u gaè aauwe. Ik moet u vö d'r zégge da ze u èrreg za misse. We kusten
't kind mee traènen in onze oagen. In ze eête nie eêns Mali Mini Mosso. Ze
eête Shari...
Uit: Joop van Zijp verteltdeel 2
(nog niet uitgegeven); dialect Kerkwerve
57
