Breda Bier
E
3
■o
I BREDA
c
a>
a>
a)
a.
Stop de persen. De têletiedmachine 'oeft nie meêr uutgevonden
te worren. Ze bestaot! Den eerste proef is een deuslaond succes.
Back to the future is werkelijkeid geworren. Café P. de
Bruyckere, Smedekensbrugge 1 in Aerrenburg, is 't eêrste proef-
knien. Op zondagmorgen, en allênig mao dan, gaot er een
andere wèreld voo je open. Je kan t'r proeven van de jaoren
vuuftig.
'n Tap is t'r nie. Achter 't barretje staot een bak bier.
Geheelonthouders, nog a zeldzaom in 't Land van Cadzand,
kunnen een Spa-tje bestellen. Koffie? "Neêt, dat èn me nie".
De joenge gasten op 't verschoten 7-Up reclamebord zien een
goed voobeêld voo ons allemaole. Mee die wederopbouw komt
't wè goed.
Mjee een verleidelijke blik loenken drie Breda Bier-starlets nao
de argeloze bezoeker van dit Aerrenburgse zondagscafé. Het
ouwere clienteêl is t'r nie gevoelig voo. Zudder geven de
vookeur an puupjes 'Eineken. Zö kan 't natuurlijk nooit wa
worren mee da Breda Bier.
Om een uure precies doet de café-eigenaor z'n deure toe. "Tot
kommende weeke".
OUD BRUIN