gevrogen ao. Op alle 'erindêlingsbieêenkomsten ben nog geên vuuftig verschillende Koewachtenaers gewist, mao de krante wist 't zeker, wan ze ao zelf een enquête gouwen. En dao kwam uut: 'De Koewacht wil bie 'Ulst'. De krante als onderwerp, bron en directe belangen ebbende bie 't zelfgemaokte nieuws. 'Opelijk 'oeven wudder 't niet elke dag zö zout te vretten. D'r kwam zelfs een 'Ulster wet'ouwer naar een 'oorzitting op de Koewacht om an een Gedeputeerden te vertellen dat de Koewachtenaers echt bie 'Ulst wilden. Dien wet'ouwer vond de Koewachtenaers kennelijk zuk onmondig volk, dat ie zelf wel even voor udder kwam praoten. De man ao nog een vrouwen- pruke op z'n kop gezet oek. Misschien wout ie onderstrepen dat ie alleên wa kwam ouw-wuven: 't gieng nie om den in'oud, maor alleên om weer een berichtje in de krante, maor dat konden wud der oek zonder die pruke wè begrupen. Op zukke momenten van doenkerte en kouwe zou ik wel op Gran Canaoriao willen zitten. Gran Canaoria. Ik zien in den Groten Bosadas een groep van, je gelooft 't 'aost nie: zeven eilanden: Gran Canaoria, Tenerife, Lanzaorote, Fuerteventurao, La Palmao, Hierro en nog een stip peltje. Saomen 'éten ze de Canaorische eilanden. Ze zullen onget- wufeld aomao udder eigen bevolking, udder eigen belangen en udder eigen verlangens en. Maor voo mien en joe ben 't gewoon de Canaorische eilanden. Eên ge'eêl. De zonne schient, 't is d'r lekker waerm, en de mensen lieken d'r wa minder sjagrienig. Althans, da dienk ik. 'k Weten 't nie zeker, wan ik bin d'r nooit gewist. En 'k zal d'r oek maor nie nao toe gaon, want ik vinnen dat ieder mens een plekje in z'n 'oöfd moet èn waor a 't honderd percènt oké is, en waor a je altied naotoe kan om even bie te kommen. En voó mien is da Gran Canaoriao. En ineens, uut 'elderen 'êmel valt daor den oplossing: wees reao- listisch en geef de nieuwe grótere gemeênten zonnige naomen. Laot d'r een bitje optimisme uut blieken. De drienkwaoterlei- dieng is toch oek ooit in Zeêuwsch-Vlaonderen gekommen in plaots van de regenbakken, en 't gas in plekke van 't stoken op 'out en kolen, en 't elektrisch licht in plekke van kaersen. En den gemeentelijken 'erindêling van 1970. En den auto en de tv. En Omroep Zeêland, en eigenwieze columnisten. Deu dwersigheid, kortzichtigheid en bekrompenheid 'een. West-Zeêuwsch-Vlaonderen mee joe prachtige strannen, zeg noe zelf: klienkt La Palmao niet zonniger as Oósburg, zonniger zelfs as Sluus? En burgemeêster Kessen van Oóst-Zeêuwsch-Vlaonderen: klienkt Lanzaorote niet prachtig? Of Fuerteventurao? Of messchiens vanwege den allesóverkoepelende sfeer: Santao Cruz? Wan je za zien, den eigen sfeer van de Zeeuws-Vlaomse durpen en stadjes bluuft toch altied bestaon en losstaon van bestuurlijke schaolver- grótieng. En doe noe die grótere gemeente aon dat gróte kanaol noe einde- lieng recht: wan uuteindelijk 'óren we d'r aomao bie, en 'èn wud-

Tijdschriftenbank Zeeland

Noe. 'n bitje uut 't zuudwesten | 2001 | | pagina 11