Vliejaere 'k naè Ierland ewist mie een vrachtboot. Dat kwam zó:
naè Ierland wou ik a 'eêl lang. Een vriend van oóns fietsten ieder
jaer eêl Ierland rond, want 't is daè prachtig, je eit er vriendelijke
mensen en mie die regen vaolt 't best mee. Ok wou 'k a 'eêl lang
's mie een vrachtboot mee. Ik a d'r a zó vee zie vaere op de
Schelde en 't leek me buutngewoon mooi om 's een keêr mee te
maèken oe a dat noe is a je d'r zelf op zit.
'k Ao t't nog eprobeerd in Vlissingen-Oóst, want dat zou natuur
lijk 't leukste weze, gewoon wigvaere vanuut Vlissinge, mae da
kon nie, want dae kwamme wè bóten uut Ierland, mè die voere
deur en nooit terug.
't Was nog glad nie goekoöp, die vrachtboot, mae veruut.
Geheimzinnig was 't wè een bitje. De mevrouw van 't reisbureau
ao ezeid, a ze pas eên dag van tevoren kon zége, van waèruut a die
boot precies vertrok, maè de stuurman op de boot zei, a ze in
Rotterdam aoltied in de Chemiehaven lagge.
Oeneêr percies, vriedags of 's zaèterdags, ao ze ok nie kunne zége,
dat lag aolemaèle an de vracht. Zodoende belden ze 's weunsdags
at n pas zaèterdags zou gaè en dan most ik er om ongeveer tien
uren weze. Terwiel a me dust's mirregs pas echt wig goenge. Maè
goed, da geef nie.
In Rotterdam mie aol die machtige kraènen was t't a 'eêl impone
rend, en op die boot was je geliek in 't buutnland. De kapitein
was een Duitser, dan was er nog een Duitse machinist, tweê
Russische stuurmannen en vadder zes Phillipino's. De boot was
trouwens van een Duitse reder, maè ie voer onder Antiguaanse
vlag. Dat za wè voe de goekoöpte ewist
Behalve mien waère d'r nog twi aore passagiers, een Duits echt-
paer. Ik von 't op die boot buutngewoon luxe. Aolle daègen drie
keêr waerm eten en as passagier mocht je overaol komme. Een
bédde bie een douche voe j'n eigen en a je wat wete wou, gong je
gewoon de trappen op naè de stuurhut. Eên van die Russen was
nog a een mopperkonte, ie noemden aolles 'bullshit', maè die
aore vondn 't wè gezellig a t'r 's eên kwam klesse, leek 't.
Eên aèvend è'k bie de Phillipino's ezete, dat waère ok gezellige
luitjes. An weerskanten van de kombuis ao je eenzelfde salon, nou
ja een kotje, eên voe de officieren en eên voe de aore. Eên van de