Leefbaar Sint-Kappelkerke
een hippe bril en dikke bénen. 'Lodewijk, kom je even mee? Van 't voor
lopig bestuur zijn er nog maar drie binnen. Jij, ik en De Kruijter. We zijn
een beetje ongerust of de rest nog wel meedoet...'
De oprichter keek op z'n 'arlozie. 'Ik kom.' Ie keek naè m'n schriefblok,
dan wi op z'n 'arlozie. 'Hier. Geef straks maar terug, 't Belangrijkste is
onderlijnd.'
Daè stoeng ik mee de speech van Van Snerf in m'n 'anden. 'k Zag de
vroegere vertegenwoordiger van Paers achter de dikke bénen an drisse in
50
I noe nummer 14/15
de richtienge van een deure naest 't podium. Tied om nog 's even op 't
publiek te letten.
Braaf volk moch dat wè weze, 'ier op Sint-Kappelkerke. Vuuve vor achte
en ze zaete aollemaele a op ulder kuipstoeltjes. O wacht, daer kwam nog
een joenk ventje, 's Even anschiete vödat n bie de kudde zou gae legere.
'Ee, je vergeet je bolus
'O ja.' Ie draoide om en goeng naè 't taefeltje mee de koffie en 't streek-
gerecht. 'k Zou ik maer een tweêde bakje doee op kosten van Leefbaar
Sint-Kappelkerke. Even laeter wier ik deur Thomas - zö 'eêtte de joenge
kérel - biegepraot over de polletiek van Skappelkèrke, zöas ze 'ier zeide.
't Paers Verband ao 'ier in de gemeênte eigenlijk nie vee gedae. Netjes
op de wienkel gepast, zou je kunne zeie. Dat kwam vooraol deur de
Rooie - over 't algemeên éénvoudige autochtone wèrkmènsen - die
allank-a tevree waere mee een ruumartig subsidiebeleid vor een antal
basale voorzieningen: de kabel mee 35 zenders, scheutelantennes op 'eêl
Linda-Simone-Polder en 't rechttrekken van aolle twintig draoien in de
verbindiengsweg mee de butenwèreld - ze waere noe an den zestienden
toe. Dat beleid was getolereêrd deur de Blauwe, die vor een deêl
bestoenge uut boeren - zunig volk net as overaol - en vor een ander
deêl uut import die as 't drukke stadsleven ontvlucht was.
Die ménsen van buten, zö docht Thomas, konde op den duur nie tegen
de stilte van Skappelkèrke en dat zat er een bitje achter, dat er noe een
nieuwe lieste opgekomme was. In Lodewijk van Snerf 'aodde ze een
goeie voortrekker, want ie zat ook nog in de kèrkeraed van 't NOP. 't