Wat een vak
Cees Chamuleau
Op schoole krieg ik te 'oren deur een achtste-
groeper op mien vraege wat at n wil worre nie
mi: 'Piloot' of 'Meêster', mae:
'Communicatiemanager.' Ie ei gin flauw idee
wat a 't is, maer 't bekt hoed. Nog nie eêns zö
lank eleeë gieng je naè de middelbaere
schoole informatica studere. Je wier IT'er.
Vandaege is 't mode om 'iets in de communi
catie' te doen.
Letterlijk betékent communicatie 'in verbinding
stae,' en eigenlijk zou dus ieder mens d'r
verstand van motte ebbe, maer in ons tieds-
gewricht me d'r een beroepsmisvurming van
emaèkt. En da kan maer eên dieng betêkene,
naemelijk da ons zö contact-aerm eworre bin
en mekare zö dikkels misverstae, dat er een
communicatieadviseur an te pas mot komme
om de verbinding te repareren.
Digitalisering en de elektronica oalle barrières
die oöns contact in de weg stienge, opgekale
faterd. En wat zie me? Ons bin d'r mie z'n
oallen vadder deur uut mekare egroeid. Nog
nooit bin d'r zövee mensen zö alleênig ewist.
Wan ondanks een zeêë an communicatiedien-
gen, 't gemak van reize, de golven an massa
media en 't mobieltje me nog nooit zö nessen
mekare 'eene epraat as noe.
Politici zegge nie mi wat a ze vinde, maer
'communiceren het regeerakkoord naar de
burger toe'(l). Da daè gin méns op zit te
wachte, wier wè dudelijk toen Fortuyn tot
gróte schrik van 't establishment opééns vee
anhang trok. Want ie verstoeng de kunst van 't
communicere beter as een buukspreekpoppe as
Melkert.
Communicere ei aolles te maeken mie luuste-
ren. Deur 't pathologisch individualisme da 't
nieuwermoodse geloof liekt te zien geworre,
bin ons doof voe wat oónze naaste zeit. Nog
nooit bin d'r zövee echtscheidiengen ewist.
Conferenties mie de beste bedoelingen eindige
dikkels in ruzie over de agenda. Imams worre
verketterd en andersdienkenden verwiete me
voe achterlijk.
As ons nie as de bliksem beter gae luustere nae
wat a mensen die a 't moeilijk te zeggen
- of dat noe asielzoekers bin, verslaafden of
Marokkaanse jongers-, zie'k een nieuw arma
geddon waèbie de anval op 't WTC in New
Vork nog za verblêke.
noe nummer 14/15