'Dat gae nog a!
'Ja kiek, a dae noe aomae nie over te klaegen viel, en at er dan nog geld
over was, dan zou ik zegge: 'vooruit, julder doe zó goed je best vor ons,
je verdiene een mooie werkplekke'. Ma noe nie. Noe vin ik 't een grof
schandaol om van gemeênschapsgeld op zukke luxe pluus te wille zitten.'
'En julder zitte toet in lengte van daegen opgescheept mee zö'n afstote
lijk misbaksel'.
'Juust, en dan zu m'n 't nog gineêns over de locatie wan die deug
agheêl nie, ma da's een ander verael.'
'Eên dieng wete ze in ieder geval goed bie julder gemeente, en dat is oe
a ze de burgers tegen 't 'aer in motte strieke. Dae bin ze vreêd goed in.
Ma oe was 't noe eigelijk van binne?'
'Ouw t'r toch over op! 't Is gewoon een doól'of, zó groot. Ik most m'n
eige op elke verdieping afvraege waer of de trap zat. En overa splinter
nieuwe meubels en computers mit platte beêldbuizen. De ouwe rommel
is vo een abbekrats verkocht en weggegee. 't Vloerkleêd is zó butenissig
dat 't speciaal ontworpe is en 't 'êle project is zó butengeweun dat er een
prachtige kleurebrochure van gemaekt is deu den annemer. Die krege
aolle bezoekers mee naer uus. Dat kon d'r nog wè af'.
'Je zou zegge da ze geld in overvloed bie julder.'
'Afijn, ik liep dae mee gemengde gevoelens, dat begriep je wè. Ik dee
m'n best om m'n gevoel opzie te zetten en 't objectief te beoordêlen, ma
m'n bloeddruk bleef ma om'oöge gae. In een waes zocht ik m'n weg
deur 't doól'of. Om ons vriendelijk te stemmen, wiere d'r consumptie-
bonnen uutgedeêld en een orkestje dee z'n best om een onspanne sfeer
te creëren en de leste onvrede weg te nemen. Ma me trapte d'r nie in.
En toen 'k eindelijk bove kwam en daer es rondgelopen ao, wist ik
genogt.'
'Oe bedoel je?'
'Mee eige ogen 'k noe 's dudelijk gezie oe ze voortaen op ons neer
kieke. En as je 't mien vraegt deeë ze dat a vee langer. Ik mö zegge dat 't
gin lekker gevoel was. Vertwufeld zocht ik nae den uutgang. En je 'ouwt
't nie vo mogelijk! Toen kreeg ik nóg 's een luxe brochure in m'n anden
gedouwd. Noe was 't ons nieuwe gemeênteuus as legpuzel in de vurm
van een metaelkleurige waoier.'
"t Geld kon bliekbaer nie op?'
'Je zou 't wè dienke. Ma m'n vaoder zei aoltied 'oógmoed kom vó de
val' en vaoders aoltied geliek. M'n zu 't afwachte. M'n den tied.'
Oögmoedswaenzin
noe nummer 14/15 I