Winter
Corrie Kopmels
('s Graevenpolder)
A 'k m'n ogen toe doe:
zie 'k 'et wee voe me
op de raemen blommen etêkend
en lange bevroze traenen
'ange an de goote
a 'k m'n ögen toe doe:
ruuk ik 'et wee
aermen vol vrieeslucht
nae binnen ebrocht
deur m'n moeder
de laekens lieke wè planken
a 'k m'n ogen toe doe:
'oor ik 'et wee
aerdedoenkere kolen
op'egoöid in den 'aerd
deur m 'n vaoder
wat een leven maekt dat
a 'k m'n ögen toe doe:
voel ik 'et wee
schaessens 'eree op de weêl
ik loöpe zö laege
ieskoue tênen wieze naer 'uus
noe nummer 24 I
