Een ambtelijke vergissieng
Albert Goeman (Yese)
Z'n moeder was varre in de tachentig en wè lichaemelijk gebrekkig,
mae geêstelijk nog zö 'elder as een belletje. Ze weunde in een be-
jaernuus en ze aa d'r zeune evrogen of a die d'r (weinige) financiën
bie wou 'ouen.
Natuurlijk dee n dat. Iedere maend kreeg ze d'r AOW uutekeerd, een
gedeêlte goeng d'r naè 't 'uus en de rest mocht ze 'ouwen as zakgeld
en om 's wat nieuws te kopen.
Eêns in de maend keek de zeune de bankbriefjes nae en dat gieng
jaeren goed, tot n op een keer zag dat d'r AOW nie was bie'eschre-
ven. 'O,' docht n, 'Zeker deur de vakantie. Volgende maend wè
dubbel.' Mae de aare maend kwam d'r nog niks en toen goeng n
maer 's informeren bie de sociale dienst.
De ambtenaer was erg welwillend, keek de administratie nae en
kwam terug mie een map van de Burgerlijke Stand. 'Mijnheer,' zei n,
'Dat moet u toch weten. Uw moeder is drie maanden geleden over
leden. Kijkt u maar. Het staat hier duidelijk.'
Eschokt las de zeune 't bericht. "Oor je m'n oren klapperen? Moeder
is even springlevend „as oöns bie z'n beien!'
'Mijnheer, u vergist zich. Het staat hier zwart op wit dat i/w moeder
is overleden en dan is het ook zo.' J
'Dat moet dan wè een ambtelijke vergissieng zien, missCjjuen een
naemsverwisselieng?'
'Nee mijnheer, vergissingen worden hier niet gemaakt. Eb valt niet
aan te tornen. Ik moet dus constateren dat uw moeder aood is en ze
I noe nummer 24
dus geen recht meer heeft op AOW.'
'Dat vaal te bezien. Ik vraeg m'n eigen of welke kluns dit epistel ei
op'esteld. Moet ik moeder meebriengn?'
'Dat kan, maar dan moet ze zich wel identificeren met een geldig
paspoort.'
'Man, dat ei ze nooit ehad. Is een verklaerieng van d'r dokter ok
goed?'
'Dat weet ik niet. Dat zullen we dan nader onderzoeken.'
De dokter 'oordn 't verhael en lachtn z'n eige naebie een breuke.
Maer ie gaf een etêkende verklaerieng of da mevrouw leefde en in
een blaekende gezond'eid verkeerde. Angetêkend stierdn n die naè
de sociale dienst.
En jawel, een paer maenden laeter wier de AOW wee netjes bie'e-
schreven. Alleêne de maenden die an sinsdien verlopen wassen, 'aan
ze vergeten. D'r zeune gieng d'r achteran en om een lang verhael
kort te maeken: nae vee brieven, bezoeken en opspelen wier 't ont
brekende bedrag toch an'evuld.
'Oe a die ambtenaeren dat aal versierd èn, za wè aaltied een myste
rie bluven, wan ze lieten niks meer van d'r 'oren - net zö min as a
d'r ooit een excuus is egeven. Die over'eidsdiens'en maeken ommers
nooit vergissiengen.
