Banden op'aele
Siemen Janse (Oöskappel)
As 't naejaer d'r is, gaen ik aoltied 'elpe bie den oest. Da's nog eên
van de leste bezigheden op een 'of waer as meer volk bie nódig is as
de vaste bezetting. Meêstal bin dat goed gevulde daegen wan as 't
te doen is, moe je noe eênmael nie wachte.
Maïs riee, da's dikkels 't eerste wat er moet gebeure. Den 'êle dag
heen en weer van 't land naer de pit en wi terug. As de pit dan vol
is en angereë, dan moet er zeil over. Eerst een laege nieuw van de
rolle. Mooi glimmend zwart. Daer over'een nog een laege gebruukt
van vorig jaer vo bescherming van 't nieuwe. Mee mooi weer is dat
vlot gedae. Een paer sténen op de kant en wat ouwe banden, dan
bluuft 't wel even leie.
Daernae is 't bakken mee grond uutscheppe toetdat aol dat zeil
bedekt is mee een dinne laege grond. Dan kan de lucht d'r nie meer
onder komme en verrot 't nie. Da's een goeien oefening voor iemand
die as een vak geleerd eit. leder jaer kom ik verder achterop mee dat
scheppen, tenminsten dat gevoel krieg ik tegenwoordig aolmae
meer. As 't dan ook nog 's een bitje regent of d'r leie deur omstan
digheden tweê pitten open die as gedae moeten ore... Dan staen 't
rikje en de aermen strek 's aevends.
Te leste moete d'r dan nog ouwe banden op de kanten e^i de uutein-
den geleid ore. Die banden leie in opslag. Over de jaerenjis dat een
'eêle verzaemelink g'ore. Dien 'oop lei wat in de moddesïen je weet,
een ouwen band daè zit aoltied waeter in. Pas op as je$V mee
gooit, wan je kriegt een klets terug - gegarandeerd, 't Eerste begin is
dan ook aoltied wat aerzelend. Je weet da je 't nie schoen gaet
I noe nummer 24
v S
1 ";."S
