f
I
jt
'ouwe, mae toch probeer je dat iedere keer. In iederen 'and een
band en dan maer lope en laoie.
Kiek, da's nog een band van een oldtimer mee een witte streep an
de ziekant. En daer eên van den eerste bandewaegen. En dien is van
den eerste trekker mee voorwielandrieving geweest. Dat zien ik an 't
profiel. Prachtig von ik dat toen, vier wielen die as trokke. En dezen
van den eerste Ferguson, dien ree nog op peterolie. 't Is een voor
band, glad verbrokkeld mae toch misschien wè vuuftig jaer oud. Af
en toe nog 's een ouwe moterband uut de wilde jaeren.
Tussen aol die zwarte autobanden zit een film van vroeger verstopt,
zó liekt 't wè. Of at er bie elke band dien as je herkent even een
luukje open gaet, zöda je terug in de tied kan kieke. Even kan kieke
'oe as dat betreffende voertuug en de banden den weg oprolde, een
moment toet leven komme. Een feêst van herkenning iedere keer
opnieuw. En eigenlijk is 't mooiste dat zóies deur toeval bie mekaore
is gekomme. Een verslete band? 'Sliengert n maer op den 'oop.'
As dat 35 jaer 'oor volg'ouwe, ei je een verzaemeling waer iemand
anders echt nie méér in kan ontdekke dan een 'oop ouwe banden.
Maer ik zie meer, as ik er nae kieke.
Banden op'aele
