Dienke over dieken
Jakob Liek (Zonnemaire)
Op 28 meie wier de ofsluting van de Zuuderzeê 'erdacht. Dat brocht
mien an 't dienken over de dieken wae ik mee te maeken aod en
ook over de dieken wae 't noe om gaet bie't ontpolderen.
As ouwe waeterbouwer die sins 1948 mit dat vak bezig is, mag ik
best een eige mêning vin ik. De gróte baezen in Den 'Aeg en mis
schien ook die in Middelburg liekene tegenwoordig meer om zeê as
om land te geven. Ook in Antwerpe bin 't gróte liefebbers van vee
waeter, mae dan wel bie ons in Zeêland. Ik in Delft bie de profes
sors Jansen en Thijsse wel 'eêl wat anders eleerd.
Ere wie ere toekomt en daerom wil ik eêst onze voorouwers noeme.
Die waere glad nie gek en z' ao agauw in de gaeten dat een kort
stikje diek beter was dan een lang ende. 'Oe korter, 'oe minder kans
op deurbraeken en overstromingen. Ze moste nog aolles mit een
kruuwaegen en een spae doe, dus oök daerom telde de lengte flienk
mee.
As Vlissinger uut Zonnemaire begin ik op Schouwen en Duuveland;
daer 'k tot m'n achttiende aolle 'oeken en gaeten van de polders
tussen die twee stikken lere kenne. In de middeleêuwen ^vaere dat
tweê eilanden. Er tussendeur liep een breêë geule, de Gpuwe, die
meer nae 't noorden overging in de Sunnemare. -£
Zeêland ao in die tied nie alleên regelmaetig te maeker^nit vee
schae deu sturmvloeden, mar oök omdat 't een twistappel was tus
sen Vlaenderen en Olland wier d'r vee verrinneweerd. êe Zeêuwen
zelf waere verdeeld. Vlaemsgezinde onder Jan van Renisse stonden
tegenover die van Witte van 'Aemstie, die natuurlijk as bastaerd van
de Graef van 'Olland van de aore kant was. Jan van Renisse mit z'n
mannen (alleên Renissenaeren?) deeë mee an de Gulden Sporenslag
bie Kortriek en daer 'eêl wat Franse ridders in 't zand laete biete.
De Vlaemingen krege toen an de zuudkant een poosje rust en woue
toen in 't noorden schoon schip maeke. In 1304 overspoelde ze
Zeêland en den 'elt van 'Olland, alleên 'Aerlem en Dordrecht 'ieu-
wen dae stand. Ok Zurrekzeê bleef as een middeleeuwse egelsteling
in 'anden van de 'Ollandse Graef. Witte van 'Amstie was tussendeur
bie 'Aerlem terecht ekomme en versloeg dae op et Manpad de
Vlaemingen die daenae uut 'Olland ofdrope. Vodat de Vlaemingen
bie ons terugtrokke, wier er in de Gouwe nog zwaer gevochte.
In 1304 vond er bie 't beleg van Zurrekzeê een zeêslag plaes tussen
noe nummer 24 I
21