Dienke over dieken
'Ollanders en Fransen an de eêne en Vlaemingen en Engelsen an
d'aore kant. De Fransen stongen onder leiding van admiraal Rainier
Grimaldi, naest Franse schepen brocht die oök schepen uut Spanje en
Genua mee. An de Vlaemse kant deeje varder nog Duitsers en
Zweden mee. En dat aollemaele in de buurte van Schuddebeurs en
Noordgouwe, wae de Fransen mit hun gróte schepen vastliepe op
ondiepten. Pas in 1323, bie de Vrede van Parijs, zag de Graef van
Vlaenderen of van z'n anspraeken op Zeêland. Vee onbekende
Zeêuwen en zeker oök Schouwenaers uut die tied zulle mee'espeeld
èn in da gevecht om de macht.
Wie daer meer over wil wete, kan die geschiedenis naeleze bie een
middeleêuwse Zeêuw Melis Stoke die aolles uutvoerig beschreven eit
in z'n rijmkroniek. Mit die ondiepten, die volgens urn bie betten
weerde laege, gae ik strakjes varder. Eêst nog eve vö spoorzoekers:
Bettewaerde dat leit an de lienkerkant as je van Zurrekzeê nae Bru
riedt. Tussen de ofslag nae de Zeêlandbrugge en Capelle motje dus
vortan even je fantasie laete werke.
Ik dienke dat die plaeten, wae de Franse vloot ruum zevenonderd
jaar gelee op vast liep, wat te maeken ao mit een zwaere sturmvloed
in 1288. Daebie wier Sir Jansland gescheie van Dreister ep ontstong
't Diekwaeter. Vanof toen kwaeme d'r eigenlijk drie geulen bie meka-
ore, de Gouwe, de Sunnemare en 't Diekwaeter. Bie zo'tfjjjplekke
krieg je dikkels een wantie. De vloed kwam 'ier van driekanten
anzette; de stromen botsten, de snel'eid gieng eruut en 'i zand zette
z'n eige of.
I nae nummer 24
De verzanding en anslibbing gienge vlug en in 1374 wieren deur
middel van tweê dammen Dreister en Schouwen mit mekaore ver-
bonde en ontstong Noordgouwe. Noe konne de boeren van Dreister
en oök Noordgouwe mit paerd en waegen nae Stad (Zurrekzeê). 't
Zuudoöstelijke stikje van Noordgouwe lag het 'oögst, was zanderig
en 'eêt noe Schoddebozze. In de tied van m'n opa wier 't nog
Schorrebozze enoemd; een naem die prachtig angeeft 'oe onze voor-
ouwers in de 14e eêuw d'r tegenan keke.
In nog geên dertig jaar was de noe doodlopende Sunnemare zo
varre an'eslibd dat de polder Zonnemaire in 1401 bediekt kon ore.
De dieken, die van Schoddebozze in noordelijke richting nae de
Grevelingen liepe, bleve tot 1953 binnedieken.