bin, wan zelf was ik zeker verkeerd geree. En dan mis je toch de
beste plekjes.
Achter Kwaedamme oor 't beter mee de pielen en schiete me lekker
op. De zunne gaet 't winne en de grond oor snel zochter.
Tegen 'alf elve komme me bie de bevoorraeding. Da's a wel, wan
mien voeten beginne aokelig af te koelen. De eerste mannen van de
kortere route bin d'r onderand ook a. De thee is waerm en mee een
stik zoete koeke d'r bie, bekom je gewoon. Vo de liefhebbers van
winter is d'r zelfs a gloeiwien bie een viertje. En gae je echt vo de
snel'eid, dan is t'r ook nog sportdrank in aolle kleuren. Mae dat
geniet de voorkeur nog nie. De meêste gaen toch vo de thee. Ze
maeke liever even een praotje mee dezen en genen die as ze lank of
kort nie meer gezien 'ebbe.
Nog een stik of vuuftien kilometer is t'r over. Aoltmae meer volk op
de route en me draoie weer richting 'Eintjeszand.
Een lange diek mee grindsporen en dan weer een schaepepadje. Zö
gaet dat mae deur. 't Is gewoon doodzonde as je op deze zondag-
ochend op je bedde leit. "Oevee mensen zoue nog wete 'oe of 't er
uutziet, de eerste uurtjes van een dag dien as zö begint,' dienk ik bie
m'n eige. 'Wille ze dat eigenlijk wè ziee?' Zelfs al is 't in den achter-
tuun, ze bin nergens te bekennen. En eigenlijk is dat misschien maer
beter ook. 'Oe zou je anders nog mee je fiets op aol di#plekjes
terecht kunne? En zömaer op een paer uur tied overaol even kieke
daer in de Zak. r
Toere
Me steke nog een keer 't spoorlijntje over en gaen weer op 's Eer
Arens an. Terug bie 't durps'uus even biekomme en de fietsen
schoönspuite.
'Ruum 'onderd inschrievers tot noe,' 'oor ik zegge.
'Dat val nie tegen, vo Zeêland,' dienk ik bie m'n eige.
En: 't zoue d'r duzend kunne weze. As de ménsen, die van 't buten-
leven 'ouwe, in de gaten kriege dat er méér is onder dien 'elm dan
j'n eige moe trappe. Dan zoue 't er duzend kunne weze.
noe nummer 24
