(H)lerland
Piet de Blaeij (Axel)
't Was in Ierland. Of in Hierland. As Zeeuw bin 'k altied een bitje
onzeker over de hé en de gao. 't Was in ieder geval dao en 't was
deezn zomer. Ierland is, zoas judder weetn, 't riekste land van
Europao. Dat is 't nog mao kort, da riekste land van Europa, mao dat
is 't wè. Da komt deu den Europeesn Unie. De EU èt 'eêl vee geld in
(H)lerland gestookn. Dat is op eêl vee plekn te zien. En waor a je 't
nie direct zou zien, dao staon 'eêl gróte bordn mee de tekst: 'Tot
stand gekommn mee fuuftig percent Europeesn subsidie.'
Waor èt de EU dan al da geld in gestookn? Ah noe, da gieng nao
weegn en verbindiengn, naor onderwies, hightech industrie, cultuur-
hysterie en toerisme. En da kan je zien oek. De wegen zien d'r
schoon uut, ben goed te berieën, a bin ze dikkels wa smalletjes, 't
Onderwies vliegt de panne uut. De deêlneming aan 't 'öger onder
wies is mie sproengn voöruut gegaon en de studie is zowa graotis.
D'r is vee schóne industrie gekomn en bienao alle bekiekenswèrde
plekkn ben opgekuust en opgeleukt. De Klifn van Moher, de Rieng
van Kerry, den Dingle Triangle, het nationaole park van Connamara
en de Boglands, de ouwe Riengfortn, de kèrkn en kloosters van
Clonmacnoise, de Oóge Kruuzn, de 'Ögeschoöle van de Djtie-
Eênigheid in Dublin mie 't Book of Kells. En overa die bordb: 'Tot
stand gekommn mee fuuftig percent Europeesn subsidie."!
In Shannonbridge staon twee elektriciteitscentraoles. Een èuwn en
een nieuwn. Den ouwn is kapot. Die wier gestookt op tuff. Nooit
'Oog kruus te Clonmacnoise
noe nummer 24 I