(H)lerland
geweetn, maor in (H)lerland stookn d'r nog 'eêl wat uusouwens op
turf. Een 'êleboel boern èn gewoon udder eign turfland en steekn
daoruut turf voor eign be'oefte. Asof't nie op kan. In het museum
voor de Boglands - de turfgebiedn - ook voor vuuftig percent gesub
sidieerd deu den EU - oördt geschat dat in 't jaor tweêduuzendvuuf-
tig geên mens meê weet wad-a turf is, maor 'ier stookn ze d'r een
elektriciteitscentraole mee.
Da wil zegn, den ouwn centraole was kapot gehaon en daorom was
't er een nieuwn gebouwd. Moa zeg noe zelf, as je beter opgeleid
ben, wil je toch geên stoker in een turfcentraole oörn? Die (H)lern
kiekn wel uut. Dus lag de nieuwe centraole stil. Daor aoden ze gauw
wat op gevondn, die (H)lern. Ze aolden mann uit Turkije en Pooln en
die wildn da werk wè doene. Voo drie-en-alven euro per uure, exclu
sief kost, inwoning en reiskostn. Alleên aodn die mensn nog nooit
mee een turfcentrale gewerkt. En daarom ligt de nieuwn centraole
oek stil en loopn de Poolse en Turkse mann wat rond te keuteln in
Athlone en Shannonbridge.
As je dao zo 's over gao naodienkn, moe je as Euröpeaon wè tot de
conclusie komn, da jie dao zo oek je steêntje aon biegedroogn et.
Noe moe je weetn da 'k in 't onderwies werkn. En a je kunstvakn
heeft, krieg je een pasje waormee je een bitje reductie"Éiegt op de
toegangspries van musea enzö. Dan kan je zo 'ier en <mo 's gaon
kiekn, om tenminste een les voo te bluuvn op je leêrlieègn. Da pasje
zou overa in Europ geldig zien. Ah noe, in (H)lerland nie dus. Noe is
I noe nummer 24
De elektriciteitscentraole bie Shannonbridge. Ie loopt op turf, mao staot a jaorn stille.
een Axelaer nie voo eên gat te vangn, dus zei ik overa, dat ik oek
meebetaold 'ad an die vuuftig percent van de EU, dus da'k eigenlijk
oek we voor vuuftig percent van den entree nao binn zou moogn.
Gieng oek nie deu. Alleên as je boovn de zestig ben, is 't er een spe-
ciaol taorief, dat overigens geliek is an den entree voo een 'adult'
dus zeg mao voor iemand van mien leeftied.
