i
Dubliners revisited
n ao gezeid dat n ooit as onecht kind van Molly Malone in 'eur mos-
selkarre ter wereld is gekomme, aod ik n geloofd. Zat n nie in die
film uut de jaeren '90 die a in Dublin speelt, The Commitments?
Mae neêe. Ie werkten bie Apple. En ie weunde middenin't centrum,
in een kotje van 450.000 euro. En vo da geld ao je nog maer eên
slaopkaemer. Mae gelukkig ao d'n nog 'wat' an de westkust en
'something' in de Provence. Nae z'n eeste Guiness goeng n over op
waeter. Slaointe.
't Leste echte Dublin vind je in een paer werkmansbuurten, voraol in
noord Dublin. En zelfs daè rukke de designer bars en coffee corners
op. In de volkpubs die a d'r nog bin, tref je voraol Polen. Drienkende
Polen, lachende Polen, zupende Polen, flirtende Polen, Polen mee d'r
zakken vol, aerme Polen, Polen die kwaelijk ore, Polen mee heim
wee, Polen die a een kruusje slae as op tv aore Polen beginne an een
voetbalwedstrijd tegen Servië. En Polen die op straete d'r roes uutsla-
ope. As 't a nie in de 'drunk tank' is.
Nae m'n zesde Guipess wist ik 't zeker. Polen bin de nieuwe
Dubliners. Dublin leit in Polen. En Ierland is gin Polen, rrfae Polen is
wè Ierland. Nazdrowie, Molly!
I noe nummer 24
Klaer vo een al dan nie EU-ondersteunde carrière. Trinity College, Dublin.
