BOOSJE.
Dan griipt, in de omëploegde veur
En rappen and den vis
In dikkels is de schielikste and
Te traege bi dien vis.
Intussen speelt in stoeit de jeugd
In fladdert deur et nat,
Dat schuinendmit en groot gedruus
In mond in eugen spat.
De joenkman griipt en meisjen op
In draegt eur méê in zee;
Et meisje roept in wriengt: vergeefs!
En draegt eur méê in zee.
't Was is en scheüne zeumerdag,
In 'tpuukje van de jeugd
Giing naer et strand mit spaeje in ploeg,
In voelde niks as vreugd.
Et lieve Roosje was er bi
In ielke joengeliing
Vergat de ploegvergat de vis
As ze an zen zieje giing.
En joenkman, die eur 't meest beviel,
Bleef altiid an eur zi
En zei an Roosje minnigmael
De zoetste vleijeri.
